Ich ueberleg mir jede Tag was ich no alls choennt mache / was d’Moeglichkeite waered, s’git doch zig tuusig Sache / Ja nur scho huet und morn choennt ich so vill realisiere / d’Ideae waered da, ich mueesst si nur no usfueehre / Ziit hett ich eigentlich ja gnueg / D’Vorussetzige waered also guet / Doch leider, leider isches so bequaem uf mim Sofa / und s’Nuet-tue fallt eim da unaendlich liecht / Ich wuensch mir maengisch s’waeri nid so schoen uf dem Sofa / will ich daenn vilicht au mal oeppis miech / Ich choennti bischpiilswiis mal mini Kondition trainiere / choennt aktiv werde und min innre Schweinehund kaschtriere / Ich choennti Bueecher laese, mini Wuessenslugge fuelle / choennt Lieder schriibe wo’s au mal am Radio wuered schpile / Ich glaube fasch ich hett sogar s’Talaent / Nur isch mini Saelbschtdisziplin inexischtaent / Ja leider, leider isches so bequaem uf mim Sofa / und s’Nuet-tue fallt eim da unaendlich liecht / Ich wuensch mir maengisch s’waeri nid so schoen uf dem Sofa / will ich daenn vilicht au mal oeppis miech / Maengisch bin ich niidisch / uf s’Laebe vonre Raupe / e Raupe isch zwar weder schoen no gschiid / Doch im Gaegesatz zu mir chan si de ganzi Tag verschlafe / und gliich wird si en Summervogel sii / si wird irgendwaenn en Summervogel sii